Logeion | bot

, , inquit Spelmannus, Anglo-Saxonibus est Emendatio, refectio, restauratio, compensatio. Sententia lata per Henricum Romanorum Regem in solenni Curia apud Aquisgranum ann. 1222. mense Maio, pro Henrico Duce Brabantiæ, in vet. MS. ap. Pertz. vol. Leg. 2. pag. 249. : Si citatus non comparet ad primam citationem, emendam solvere tenetur, quæ Bota vocatur. Charta Roberti Comitis Flandr. in Tabul. S. Bertini : Et nisi perrexerint, (in expeditionem) Comes super Abbatem placitando emendationem vel Bot accipiet ab ipso Abbate, quod remanserunt. ap. Guerard. pag. 247. ubi scriptum est Both. Occurrit crebro hæc vox in Legibus Anglicis antiquis, sed plerumque cum aliis verbis conjuncta, ut in Circbota, Burgbota, Brugbota, etc. i. Ecclesiæ, burgi, pontis restauratio. Conf. Graffii Thesaur. Ling. Franc. vol. 3. col. 227. voce Bôza. Lexic. Anglosax. voce Bot et Grimmii Antiq. Jur. Germ. pag. 649. Vide Boeta 4.

, Alia notione, apud Britannos Armoricos, Ager seu tractus terræ. Tabularium Rothonense : Alunoc venit ad Rothonum ut moderaretur tributum suæ tegramnæ nomine Bot Lovernoc. Ibidem : Gleumonoc dat S. Salvatori Bot Deurec cum massis, sine censu, sine tributo, etc. Ibidem : Conwoion Abbas requisitus a Judwalon Clerico de alode Bot Judwalon, quem avunculus ejus dederat S. Salvatori, ut censum pro alodo ipso recipere dignaretur.

, Votum, imago cerea votiva, Ital. Boto. Consuet. MSS. monast. S. Crucis Burdegal. ante ann. 1305 : Item statutum est, quod tales facientes novenam, debent... xj. denarios, unam imaginem cereæ, aliter Bot, quæ ponitur coram altari beati Mommoli, et debet esse unius libræ pro voto facto, quod dictus beatus Mommolus impetret facienti novenam sanitatem de infirmitate, quam patitur a domino Deo Patre omnipotenti. Vide Votivum. Bot-oislaux, Convicium est apud Lotharingos. Lit. remiss. ann. 1452. in Reg. 181. Chartoph. reg. ch. 231 : En l'appellant Bot-oislaux que tu es, qui sont paroles diffamatoires selon le langage du pais. (Epinal).

bot

Saved

Recent