grani

grānī, ōrum, m. , natte (cheveux) : Isid. Orig. 19, 23, 7.

, Latinis, si Savaronem et Salmasium audimus, dicuntur Capilli sparsi ac discriminati, qui cum sint in fine rotundati, granorum formam efficiunt. Vetus Interpres Historiæ Judith : Comam discriminavit, id est, Granam fecit. Vide Grammæ. Cui conjecturæ favet Commodianus Instr. 60 : Capillos inficitis, oculos fuligine relinitis, Levatis comulas Granulatim, fronte depicta, Malas medicatis quodam superducto rubore, etc. Isidorus lib. 19. Orig. cap. 23. Granos Gothis potissimum adscribit : Nonnullæ etiam gentes non solum in vestibus, sed et in corpore aliqua sibi propria, quasi insignia, vendicant, ut videmus Cirros Germanorum, Granos et Cinnabar Gothorum. Concilium Braccarense II. ann. 563. can. 11 : Placuit, ut Lectores in Ecclesia habitu sæculari ornati non psallant, neque Granos gentili more demittant. Adde Concil. Toletan. IV. can. 41. ubi perperam Garsias Loaysa Granos vestis genus esse putavit. Sed videtur hæc vox non tam capillos discriminatos significasse, quam barbæ eam partem, quæ infra nares est, seu mystacem. Ernulfus Roffensis Episcopus tom. 2. Spicilegii Acheriani pag. 435. ubi quærit, cur sacer calix Laicis propinandus non detur : Evenit enim, inquit, frequenter, ut barbati et prolixos habentes Granos, dum poculum inter epulas sumunt, prius liquore pilos inficiant, quam ori liquorem infundant. Ita , usurpant Statuta antiqua Carthusiens. 3. part. cap. 28. § 13. de Conversis : Barbam non decurtent, nec rasoriis Grenones radant. Adde Statuta ejusdem Ord. ann. 1368. part. 3. cap. 2. § 9. et S. Willelmum lib. 1. Constitut. Hirsaug. cap. 8. . Constitutiones Carthusianæ : Antiqua consuetudo est, ut toties radantur Conversi et eorum Grenoneæ auferantur, sic appellamus barbam superiorem, quoties Monachi raduntur. . Regula Templariorum cap. 28. ubi Editio Andreæ Favini habet Genæ. , Eadem notione. Papias MS. : Crinones, quasi Currones dicti, quod discurrant ab utraque parte labii. . Lex Frisionum tit. 22. § 17 : Si Granonem ictu percussa præciderit, 2. sol. componat. Ibidem in Addit. tit. 3. § 17 : Si Granones præcisi fuerint, etc. Godefridi Viterbiensis Pantheon apud Murator. tom. 7. col. 434 : Dum tenet Othonem, barbam trahit atque Granonem, Guttur et ora premens, gravior feritate leone. Sic etiam , Poetis nostratibus. Philippus Mouskes MS. de Philippo Augusto Rege Franc. : Grans et biaus fu et drois et lons, S'ot un poi rousais ses Grenons. Le Roman du Renard couronné MS. : Renars s'affronchie le Grenon, Si ne set que il puisse faire. Alibi, de Fele : Sont les Grenons viex et chanus, Et les dens tranchans et menus. MS. : De mautalent a fronci le Grenon. Rursum : La barbe ot longue et les Grenons mellez. Vetus Poema vernaculum MS. de Inventione S. Crucis : Cil qui n'avoit ne barbe ne Grenons. Chron. Bertr. Guesclini MS. : Et Damp Ferrant de Castre, qui blanc ot le Grenon. Jacobus Millet de Destructione Trojæ : J'ay long Grenon et grant barbe velue. , aliis. Vacces MS. in Ricardo I. Duce Normannorum : Ni est mie Chevalier, encor est valeton, N'avoit encor en vis ne barbe ne Guernon. Infra : Un des Engleis qui ont veu Les Normans tout reis tondu, Cuida que tuit prevoires fussent, Et que Messes chanter peussent, Que tuit erent tondus et reis, Ne leur estoit Guernon remeis. : Là fu Hardre ô le Guernon fleuri. Idem : Là veissiez un estor commencier Tant cheval traire, et tant Guernon sachier. Kilianus observat Granones barbaræ appellari pilos felis sive eluri supra os inter nasum et supremum labium. Porro a Gernon efficta vox , vel , Eadem notione. Ugutio : Genos, Græce dicitur barba, unde Generbodum, quod vulgo dicitur Gernonus. Unde versus : Murilegus bene scit cujus Genorbada lambit. Mihi Genorbadum, et Gerinonus pro Gernonus. Joannes de Janua habet Genobardum. Gloss. Lat. Gall. : Genobardum, Grenon, comme barbe de chat ou de chievre. Silvester Giraldus in Descriptione Cambriæ, cap. 11. de Wallensibus : Barbam viri præter Gernobada solum radere solent. Quibus hæc subjungit ex Cæsare lib. 5. de Bello Gallico : Gallorum gens omni parte corporis abrasa, præter caput et labrum superius. Olla Patella : Fasces, patellæ, postela, Gernobada, suræ. . Tradit Lambertus Ardensis Eustachium Comitem Bononiæ, et Balduin. Grossum Alosti Toparcham, Gernobadatos appellatos, propter barbæ prolixitatem : quam vocem, aux Guernons, vertit Duchesnius lib. 3. Hist. Guin. cap. 2. et lib. 4. cap. 4. quod etiam cognomen Ranulfo Cestrensi Comiti Joannes Bromptonus pag. 1013. Willelmo de Percy, qui sub Willelmo Notho floruit, vetus Charta in Monastico Angl. tom. 1. pag. 73. et 74. tribuunt. Videtur autem vox male compacta ex Grani et barba, quasi Grani barbæ : vel ex Gena et barba. Nam Gena, inquit Will. Brito in Vocab. a genos dicitur, quod est barba, quod inde incipiat gigni barba.

grani

Saved

Recent