quarteria

, Modus agri quartam jugeri partem continens, nostris Quartier. Tabularium Abbatiæ Belliloci in Lemovicibus num. 89 : Dimitto.... in manso Ugbaldi de Campagnaco unam Quarteriam, quæ debet unum modium de segle, et in ipsa villa aliam Quarteriam quam tenet Geraldus de illa casa quæ debet alium modium de segle. Num. 95 : Gerbas debent rustici tempore messis de unaquaque Quarteria. Quarteron, in Consuetudine Pictavensi art. 175. 177. ubi Bordaria dicitur conficere duos quarterones, et æquiparari terræ seu prædio duorum boum, id est, quantum duo boves arare possunt : quarteronem vero prædio bovis, cujus dimidia pars Retallium, seu Retail, dicta æquiparatur prædio semibovis. Ab hac voce ut observat Carolus de Aquino in Lexico militari, sic passim appellantur militum tuguria vel contubernia propere communita adversus repentinas hostium incursiones. Si sparsim in transitu excitantur, dicuntur Italis Barache, nostris Baraques : si consistunt ad longiorem quietem Quarteria vocantur, Italis Quartieri, Gallis Quartiers, Latinis Stationes.

et , Mensuræ frumentariæ species, nostris nota. Vide Willelmum de Podio-Laurentii cap. 6. Apud Anglos, ut est in Fleta lib. 2. cap. 12. § 1 : Quarterium frumenti constat ex octo bussellis. Utitur Matth. Paris pag. 145. Kennettus in Antiq. Ambrosd. ad ann. 1278. pag. 291 : Tria Quarteria frumenti, tria Quarteria avenarum, unum Quarterium fabarum. Saisimentum Comitatus Tolosæ ann. 1271. apud Lafaille in Probat. Annal. Tolos. pag. 34. De quolibet foco arante cum bobus unam eminam frumenti et totidem avenæ, et de arante cum asinis unam Quarteriam frumenti et aliam avenæ. In quodam Instrumento litis ann. 1564. Monachos inter et incolas Montismeyani mensuræ recensentur hoc ordine : La Charge, le Cestier, la Cartiere et le Civadier. Quarteria salis, in Charta ann. 1320. apud Gassendum in Notitia Eccl. Diniensis pag. 83. Vide Carteria et Quarterius 3. , Præstationes hujusmodi quarteriarum frumentariarum. Instrumentum litis ann. circiter 1322. tom. 2. Gall. Christ. col. 307 : Extorquere quasdam præstationes annuas, quæ vocantur Quarteriæ, ad solvendum nitebantur compellere. Melius, ut opinor, Quartæ decimarum ecclesiasticarum. Vide in Quarta 6. et infra Quartesima.

quarteria

Saved

Recent