sebastus

, Dignitas in aula Constantinopolitana notissima, σέβαστος. Auctor expeditionis Asiaticæ Friderici I. Imp. : Et alios quatuor Græcorum principes ratione dignitatis, Græco vocabulo Sebaston, cum eis denuntiat advenire. Inde formatæ aliæ dignitates, Πρωτοσεβάστων ; sed et Πανυπερπρωτοσεβαστοϋπερτάτων, quod monstrum vocis reperire est apud Lambecium lib. 5. de Bibl. Cæsar. pag. 233. Vide Gloss. Meursii, et med. Græcit. col. 1339. Eodem nomine donantur Duces Amalphitani in Chron. Amalphit. ad ann. 1096. ubi memoratur Marinus Pensabustus, Sebastus et Dux Amalphitanus. Πανσέβαστος. Unde contractam fortasse et corruptam vocem Vasti qua non semel appellantur iidem Duces, observat Brencmannus Dissert. de Republ. Amalph. pag. 19. post Capacium Hist. Neapolit. lib. 1. cap. 13. V. Vasti.

Menu

Word wheel

sebastus

Saved

Recent