Ascodrogitae

Ascodrogītæ, ārum, m. , nom dʼune secte dʼhérétiques : Cod. Th. 16, 5, 65.

, Hæretici in Galatia, qui utrem inflatum ponunt, et cooperiunt in sua Ecclesia, et circumeunt eum insanientes potibus, non intelligentes, quod ait Salvator, utres novos sumendos, inque eos vinum novum mittendum, non in veteres. Vide Philastrium, et alios, qui de hæresibus scripsere. Joan. Damascenus Hæresi 48. Nicetas in Thesauro Catholicæ fidei lib. 4. pag. 165. etc. Ex Glossar. med. Græcit. Ubique Tascodrogi et Tascodrogitæ seu Tascodrugitæ, Gr. Τασκοδροῦγοι et Τασκοδρουγῖται, de quibus S. Epiph. Hær. 48. num. 14. pro Ascodrogitæ et Ascodrugi, legendum putat Cotelerius in Observat. sacris MSS. quas mecum communicavit Vir illust. mem. Præses de Mazaugues ; ubi Vir doctissimus sic dictos vult a τασκός, paxillum, et δροῦγγος, nasus sive rostrum, juxta eorum linguam, quod inter orandum indicem digitum naso imponerent, quasi paxillo nasones ; eruditeque suo more probat auctores omnes emendandos. Unde Philastrium, cujus auctoritas propositæ conjecturæ refragatur, existimat deceptum nominum affinitate, Ascitas cum Tascodrugitis confudisse, aut saltem in ejus textum mendum irrepsisse. Eadem conjectura in Proœm. S. Hieron. in 2. libr. Comment. ad Galat. Ascodrobos mutat in Tascodrogos, et Theodoreti locum in Τασκοδρουγῶν et Τασκοδρουγιτῶν ; et quidem Timotheus CP. presbyter in Tract. de his, qui accedunt ad ecclesiam, eadem, quæ illic Theodoretus ac Epiphanius, Tascodrugis tribuit. In Cod. Theod. extat lib. 16. tit. 5. lex Theodosii M. lata contra Tascodrocitas ann. 383. in leg. 65. eod. tit. de Hæret. Ascodrogitæ legitur ; sed ex notis ibid. emendandum Tascodrogitæ, ut et in Nov. Theodosii de Judæis, Samaritanis, Hæreticis, et Paganis, ubi perperam Ascodrogos, pro Tascodrogos. Vide infra Tascodrogitæ et Gloss. med. Græc. voce Τασκοδροῦγοι.

Ascodrogitae

Saved

Recent