antiani

apud Genuenses, et in aliquot Italiæ oppidis, dicti Patricii, Nobiles, qui ætate, auctoritate et honore cæteros incolas præcellunt, atque adeo ipsi magistratus. Ἀρχιγέροντες, Primates ordinum, seu decuriæ primi, in leg. 5. Cod. de Episcop. audient. Vide Probat. Hist. nostræ Gallo-Byzantinæ pag. 11. et Joan. Villaneum lib. 6. cap. 51. 84. Laurentius in Amalthea in voce Antes Antianos non ab antiquitate, sed a voce Antes vel ab Antæ dictos putat : sunt autem Antes Primi Ordines, et Antæ Columnæ quadratæ utrumque ostii latus munientes ; unde, inquit, Antiani dicti in Republica nostra Lucensi, quasi primi ordines et columnæ eam sustinentes.

Menu

Word wheel

antiani

Saved

Recent