falconagium

, Tributi species, a falconibus, ut par est credere, primitus appellatum, tametsi ad alias præstationes postea derivatum, quod in aliis ejusmodi non semel observare est in hoc Glossario. Charta Philippi Pulcri Regis Franc. ann. 1297. in Regesto Rubeo Cameræ Comp. Paris. qua concedit Abbati sancti Germani Parisiensis, sex modios avenæ, et 10. solidos vel circiter Paris. annui et perpetui reditus, debitos ratione cujusdam coustumæ, quæ vocatur Falconagium, quos apud Cormelias habebamus. Charta Phil. Pulc. hic laudata non ad abbatem S. Germ. Prat. spectat, sed ad Philippum de sancto Germano in Laya, coquum regium. Alia ejusd. reg. ann. 1301. in eod. Reg. fol. 178. r°. col. 1 : Petro Salnerii scancioni nostro damus et concedimus avenam et denarios de Falconagio debitos nobis annuatim in parrochiis de Montigny et de Erment. Rursum alia ann. 1276. ibid. fol. 258. v°. col. 1 : Gallinam et dimidiam, cum tribus denariis de Sauconnage annui redditus, percipere solebamus. Ubi leg. Fauconnage, ut in Charta dotalitii Joan. reginæ Franc. ann. 1319. ex Reg. 60. Chartoph. reg. ch. 69 : Item super le Fauconnage triginta modia, tres minas ad mensuram de Betisiaco. . Servitium feodale apud Anglos. Rotul. Hundred. tom. 1. pag. 1. sub Edward. 1 : Et pro Custodia duorum Falconum et mutatur servicium falconum in sexaginta solidos per annum. Regibus Angliæ porro jus erat explorandi nidos falconum et pullos inde capiendi ubique in Wallia, ut legitur in Abbr. Rotul. tom. 2. pag. 119. Ibid. pag. 205 : Rex assignavit Henr. Tendour... ad omnes Falcones silvestres, cujuscumque speciei fuerint, quos infra Regnum Angliæ, tam in forestis, chaceis, warennis, parcis et omnibus aliis locis, tam infra libertates quam extra, inveniri contigit, capiendos et ad opus regis custodiendos, etc. Ibid. pag. 181 : Rex assignavit... Egid. de Bello Campo ad capiendas.. prisas Regis de omni genere Falconum per mercatores et alias infra regnum Angliæ ducendorum.

falconagium

Saved

Recent