ΛΟΓΕΙΟΝ
About
Menu

geola

GEOLA
,
Gaola
, Carcer, nostris Geole, vel Gayole, qua voce Caveam, qua includuntur aves, etiam Picardi nostri nuncupant. Sed et Geola ex Caveola formatum supra indicavimus in Cavea. Præceptum Caroli Pulcri Franc. Regis ann. 1322 : Per Nos etiam ordinatum fuerit, ut scripture, sigilla, scribanie, stilli, memoralia processuum, Geole... et alia ejusdem... ad firmam et cum inchariamento tradenda exponantur et vendenda. Occurrit rursum infra.
Gaola
. Monasticum Anglicanum tom. 1. pag. 242 : Justitiarius Regis per breve Regis deliberavit Gaolam Ramesiæ... de multis latronibus, etc. Occurrit apud Will. Thorn pag. 2022. Bractonum, in Fleta, et apud JC. Anglos passim. MS. : Fu trouvé mort en la Gaole Grimont, si en fut grant parole.
Gayola
, apud eumdem Thorn pag. 1945. Gayole, in Charta Gallica ibid. pag. 2205. Gayole d'un molin à vent, in Consuet. Atrebatensi art. 145. Charta Philippi Ebroicensis ann. 1320. pro Incolis Mellenti in Tabulario Prioratus S. Nicasii fol. 72 : Les habitans de la ville de Meulent et de Muriaux ne seront pas tenus à gaitier la ville, mais s'ils veulent ils la gaiteront : et si n'est pas nostre entente, que ils gaitent, ne soient tenus gaitier nos prisonniers estans en nostre Geole de Meulent ou des Muriaux, etc. Avis cantans in Gayola, in Foris Aragon. Oscensibus ann. 1247. f. 36.
Gaola Deliberanda
, Practicis Anglis dicitur, cum judex in carcerem publicum pergebat, ibique incarceratorum causas discutiebat, et a carcere liberabat. Vide Brittonum pag. 2. 18. 44. 72.
Geolagium
, Carcerarium, seu, quod Commentariensi vel Geolario præstatur ab incarceratis pro victu et potu. In Edicto Ludovici Hutini 1. April. anno 1315. pro Occitaniæ incolis, cavetur, ne quis innocens probatus, in carceribus, sub prætextu Geolagii seu carcerarii detineatur. Occurrit etiam in Concilio Bituricensi ann. 1336. cap. 12. Vide Carcerarium.
Geolarius
, Custos geolæ, seu carceris, nostris Geolier. Charta Decani Autisiod. ann. 1280 : Solvere tenebuntur Geolario nostro, sive custodi carceris, 100. sol. etc. qui etiam Geolarius habebit 4. denarios a quolibet, qui ibi incarcerabitur, qui incarceratos custodiet nomine nostro, et periculo suo. Rursum occurrit in Edicto Caroli Pulcri Franc. Regis ann. 1325. Jacobus Gothofr. ad Cod. Theod. perperam quasi Janicularium dictum putat. Cum viario apud Silvanectum confunditur, ex Charta Ludov. X. ann. 1314. in Reg. 50. Chartoph. reg. ch. 118 : Nuper defuncto viario seu Geolario geolæ Silvanectensis, qui jure hæreditario viariam seu geolam loci ejusdem tenebat, officium viariæ seu geolæ hujusmodi cuidam alii concessimus. Vide in Geola.
Gajularius
, Eadem notione, in Regesto Philippi Aug. Herouvalliano fol. 86.
Geolerus
, Eadem notione. Lit. ann. 1316. tom. 6. Ordinat. reg. Franc. pag. 344. art. 3 : Dicti judex et bajulus deputabunt communiter notarios, servientes, Geoleros, et alios officiales et ministros regimini prædicto necessarios. Vide infra Gerlerius.
Geolaria
, Jus, quod ex geola seu ab incarceratis domino feudi pensitabatur, nostris Geollage. Charta ann. 1342. in Reg. 74. Chartoph. reg. ch. 551 : Bassam jurisdictionem loci Agrifolii... dominus noster rex tenebat et possidebat, cum... emolumentis, deveriis,... notaria, sergenteria, incantatura, Geolaria, messaguaria, et omnibus aliis juribus. Alia ann. 1516. in Chartul. Latiniac. fol. 244. r° : Le Geollage dudit Lagny, qui vault par an dix livres Tournois. Vide Geolagium in Geola.

Saved

Recent