sigillus

, Alamannis Sigel, Epistomium vasis, vel obturaculum, quod orificio, ut Apuleius loquitur, vel ori summo dolii inseritur, illudque obstruit, sic dictum, quia olim vasa signabantur, ut ex Hieroclis Philosophi facetiis colligitur. Eckeardus Junior de Casib. S. Galli cap. 5. pag. 194 : Erant autem in cellario fratrum communi duo vasa vinaria usque ad Sigillos adhuc plena. Epistomii vocem usurpat Jonas in S. Columbano lib. 1. cap. 16.

, seu , Signum, seu figura vasculis, rebusve aliis insculpta, adpicta, aut adtexta, quomodo Latinos vocem Sigillum usurpasse docuit olim Lazarus Bayffius lib. de Vasculis pag. 106. Glossæ Lat. Gr. : Sigillum, ἀνδριαντάριον, ζώδιον, etc. Glossæ aliæ : Ζώδιον, Sigillum. Julius Africanus lib. 8. Hist. Apost. : Ubicumque pro ornatu templi Sigilla erant posita, minutavit. Anastasius in S. Silvestro PP. : Fecit autem candelabra aurochalca in pedibus 10. numero 4. argento conclusa cum Sigillis argenteis. Infra : Ante corpus B. Laurentii martyris clusam passionem ipsius, Sigillis ornatam, cum lucernis byssinis argenteis, etc. Ibidem : Fecit ex metallo porphyretico ex sculptis Sigillis pharacanthara 20. ex argento purissimo, etc. . Hist. Episc. Autissiodor. cap. 20 : Dedit... Gabatham unam medianam anacteam pensantem lib. 3. et habet in fundo Sigillos 4. et in gyro prunellas, etc. , Eadem notione dixit Arnobius : Quinimmo Deos esse Sigillaria ipsa censetis. Utitur etiam Tertull. lib. de Orat. cap. 12 : Porro cum perinde faciant Nationes, adoratis Sigillaribus suis residendo, etc. , Ad Sigilla spectans. Tertull. adv. Valentin. cap. 18 : A qua (Achamoth) occulto, nihil sentiens ejus, et velut Sigillario extrinsecus ductu, in omnem operationem movebatur. Idem lib. de Anima cap. 6 : Velut Sigillario motu superficiem intus agitante (anima.) Id est, occulto motu, qua ratione moventur sigilla seu simulacra puerilia a mimis et lusoribus. Sigillari, νευρόσπαστοι, in Gloss. Lat. Græc. Vide Gloss. med. Græcit. in Σιγιλλάριον. , Eodem intellectu. Spartianus in Adriano cap. 17 : Saturnalitia et Sigillaritia frequenter amicis inopinantibus misit et ipse ab his libenter accepit. Subintell. munera. Hinc Sigillaritius annulus, pro annulo signatorio, apud Vopiscum in Aureliano cap. extr. , Vasculum, quod vulgo Pax dicitur. Vita S. Ansegisi sæc. 4. Bened. part. 1. pag. 633 : Sigilla aurea mirifica cum pretiosis lapidibus numero duo, etc. , Sigillis seu figuris ornatus, quomodo vasa sigillata dixit Cicero orat. 6. in Verrem. Sigillatæ sericæ, vestes nempe, quas mimæ ferre vetantur in lege 11. Cod. Th. de Scænicis (15, 7.) Ζωδιωτὸς χιτών, apud Hesychium. Pollux : Καταστικτος χιτών, ὁ ἔχων ζῶα ἢ ἄνθη ἐνυφασμένα, καὶ ζωωτὸς δὲ χιτὼν ἐκαλεῖτο, καὶ ζωδιωτός. Pictæ vestes apud Latinos, quibus intextæ erant figuræ variæ. Ausonius in Gratiar. actione pro Consulatu suo : Palmatam, inquis, tibi misi, in qua Constantius parens noster intextus est : me beatum, cujus insignibus talis cura præstetur. Hæc est picta, ut dicitur, vestis, non magis auro suo, quam tuis verbis. Ita porro vocem Sigillatus usurpat non semel Anastasius, in Leone III. PP. : Et vela holoserica Sigillata, habentia periclysin, et crucem de blattin, seu fundato numero 15. Infra : Vela modica Sigillata, quæ pendent in arcubus minoribus, etc. Idem in Paschale : In jam dicto altari obtulit vestem albam Sigillatam cum rosulis, habentem in medio crucem de blattin cum psillis. In Leone IV : Fecit vestem sericam albam Sigillatam cum gammadiis, etc. Infra : Vela alba holoserica Sigillata.

sigillus

Saved

Recent