burlare

. Vetus Charta apud Columbum in Manuasca lib. 1. n. 43 : Prohibetur Burlare, nisi in Burlaria antiqua, videlicet a portali superiore ad portale clausum. Hispanis Burlar, est jocari, ludere, Vasconibus Burlaze, Occitanis Bourlos, ludus, jocus, illusio. Est igitur Burlaria locus in urbe vel extra urbem, in quo ludere solent incolæ. In Pacto Tongrensi ann. 1403. in Magno Recordo Leodiensi pag. 38. Burlatores, (Bourleurs) ganeonibus accensentur ; Sodoiers, manecheurs, ou Bourleurs. Adde pag. 225. Vide Bohordicum, Campus Martius, et Octavium Ferrarium in Origin. linguæ Italicæ in hac voce.

, vox Italica, Irridere, contemnere, ludificare, Hispan. Burlar. Charta ann. 1333. in Reg. 66. Chartoph. reg. ch. 1339 : Dictus Andreas tunc bajulus castri de villa Vayraco, in contemptum et vituperium domini nostri regis et appellationis prædictæ, ipsum Johannem Salast male tractavit, cum pugnis verberando eumdem graviter et bodreiando viliter et impingendo eumdem Johannem appellantem, ipsumque Johannem sic male tractatum, verberatum, et Burlatum posuit in carceribus. Vide Burla 3.

Menu

Word wheel

burlare

Saved

Recent