capdets

. Ita secundo genitos appellant Occitani, unde nos Cadets dicimus. Legi in quadam Historia MS. Carolum d'Albret, qui reus Majestatis damnatus est, quod Joannis Armeniaci partes sectatus esset, le Capdet vulgo agnominatum. Vocis etymon a cap, quod est caput, deducendum videtur : ita ut dicti sint quasi minora capita, respectu primogenitorum, qui Capmas vocabantur, id est, Capita domus, nos diceremus les Chefs de maison : tametsi Dominos quosvis sic appellasse videantur Bigorritani, ex Charta, quam laudat Marca lib. 9. Hist. Beneharn. cap. 7. num. 2. ut et Gonçalus de Berceo, vetus Poeta Hispanus : Era del Monasterio Cabdillo y Sennor. Utcumque sit de vocis notione et etymo, nemo, opinor, probabit Dominici conjecturam, qui in lib. de Prærogat. alodior. cap. 21. § 4. Cadets dictos vult, quasi a majori natu cadant, et sint veluti quidam Catheti, seu normales lineæ, ab ipso dependentes Singularis est opinio Labbæi, qui natu minorem Cadet dictum fuisse credit, quia Cadet præliando ; quoniam natu minoris ea fere sors est, ut abeat militatum. Has duas posteriores originationes explodit, primamque Cangii confirmat antiqua ratio scribendæ vocis ; non enim Cadet ut nunc, sed Capdet scribebatur. Chronicon Ludovici XI. pag. 308 : edit. in 4°. : Aprés ladite déconfiture ainsi faite, ledit Duc en Auteriche, le Comte de Romont, et autre de leur compagnie, se ralierent, et vindrent devant une place nommée Malaunoy, dedans laquelle estoit un Capitaine Gascon, nommé le Capdet Remonnent. Vide Menagium.

Menu

Word wheel

capdets

Saved

Recent