colubrissarii

, Factiosi homines in pago Leodiensi annis 1466. et seqq. de quibus hæc scribit Adrianus de Veteri-Busco apud Marten. tom. 4. Ampliss. Collect. col. 1288 : Colubrissarii dominabantur, nec permittebantur duo boni cives loqui pariter, quin vellent scire de quibus esset sermo. Et si aliquis contradixisset ipsis, de mane invenit domum combustam vel horreum incensum. Vide ibi col. 1291. et 1348.