ΛΟΓΕΙΟΝ
About

Menu

frea

FREA
, Quæ sub alterius tutela seu mundio, vel dominio est, Papias : Frea, i. mundoalda. Isid. in Gloss. : Frea, vel mundiana de parente suo relicta. Jo. de Janua, Frea, potestas, vel mundia, a parente suo relicta, et dicitur a fremo : hoc mundium dicitur dominium. Gloss. Lat. Gall. Sangerm. : Frea Puissance. Glossar. in Cod. Cavens. Leg. Longob. : Frea, i. e. puella, quæ in alterius mundium est. Lex Longobard. lib. 2. tit. 2. § 4. Luitpr. 93. (6, 40.) : Si quis Fream alienam sine voluntate mundoaldi (i. tutoris) ejus movere de casa, ubi ipsa habitat, præsumpserit, etc. Adde tit. 11. § 4. Luitpr. 120. (6, 67.) et Leges Luithprandi Regis tit. 93. ubi Boërius : Frea est mulier, quæ est in mundio Regis vel alterius. Anglo-Saxonibus, frea, est dominus, herus : ex quo freolæta, libertus. Vide Loccenium lib. 1. Antiq. Suecic. cap. 3. et Joan. Stiernhookum de Jure Sueonum antiquo pag. 394. Saxonibus Fri, mulier. Vide Schmeller. Glossar. Pro Bonis etiam, quæ ad Fream pertinent, legitur in Contractu matrim. ann. 1248. apud Corbinel. inter Probat. Hist. geneal. domus de Gondi pag. lxxj. : Quam siquidem Monacam dictus Ghondus pater ejus ipsi Jacopo dismundiavit, et sub ejus mundio et potestate misit, cum omni Frea et anagress, et omni jure mundii, ipsis Jacopo et Monaca altero in alterum per verba de præsenti matrimonialiter consentiendo, cum annuli datione et receptione.
FREA
, Saxonum Dea, uxor Vodani, qui et ab iis pro Deo cultus est, de qua Paulus Warnefridus de Gestis Longob. lib. 1. cap. 8. Matthæus Westmonaster. Willelm. Malmesbur. pag. 9. Saxo Grammat. lib. 1. et 5. Ordericus Vitalis lib. 4. pag. 513. Godefridus Viterb. qui Feriam vocat, et Galfridus Monemuthensis lib. 3. cap. 1. Vide Wormium in Fastis Danicis lib. 1. cap. 15. in Monumentis Danicis lib. 1. cap. 4. et Cluverium lib. 1. Germ. antiq. cap. 27. Grimm. Mythol. German. pag. 91. 96. 191.
Freia
dicebatur Dea Ceres antiquis Danis et Sueonibus, qui per Freiam, Thor et Attin, seu potius Odin, ut notat Hickesius jurabant ; unde hæc vetus juramenti formula : Bialpi mier sua Freia, Thor, Ochin almathi as, Ita me Freia, Thorus et Attin maximus adjuvent. Carolus Lundius in L. Zamolxi cap. 3. apud laudatum Hickesium Dissert. pag. 40. Hialpi mer svâ Freir ok Niœrdr ok hinn almâtki As, Ita me adjuvent Freir et Niœrdr et ille omnipotens Asius, in Landnama Saga pag. 138. Vide Grimm. Antiq. Jur. pag. 50. et de deo Freyr ejusdem Mythol. pag. 135.

Saved

Recent