grossum

GROSSUM

, Annuus redditus beneficiorum, in Amalthea ; qui scilicet ratione beneficii annuatim obvenit, præter quotidianas distributiones, quæ iis solum dari solent, qui divinis intersunt officiis, Gall. Le gros d'un benefice. Occurrit in Charta ann. 1367. apud Miræum tom. 2. pag. 893. in Statutis S. Capellæ Paris. pag. 20. etc. Vide Bleinyanum Instit. pag. 216. et mox Grossus 1.

Grossa

, Eadem notione. Concil. Mexican. ann. 1582 : Itaque dum in quadranti signum hoc R. requiem denotans habuerit (Præbendatus,) præbendæ suæ acervo seu Grossa dumtaxat fruatur. Gros itidem appellatur Proventus ex vectigalibus publicis, in Lit. remiss. ann. 1379. ex Reg. 115. Chartoph. reg. ch. 321 : L'exposant comme fermier du peage et menues coustumes, appellées le Gros, de nostre ville de Lorriz, etc.

GROSSUM

. Vendere in Grosso vel ad Grossum, Gall. Vendre en Gros, per aversionem, in Charta ann. 1332. apud Rymer. tom. 4. pag. 516. in alia ann. 1383. tom. 7. pag. 378. in Chr. Richardi de S. Germano apud Murator. tom. 7. col. 130. et alibi.

GROSSUM

, Tuber. Miracula B. Gerlandi, tom. 3. Junii pag. 659 : Nata fuit clauda et super ancha Grossum habebat. Mirac. S. Rosæ tom. 2. Sept. pag. 456. col. 2 : Puer quidam... cum infirmaretur eo morbo, qui dicitur Grossum in gutture, etc.

GROSSUM

, Pars illius crassior et corpulentior, vulgo le Gros de la cuisse. Lit. remiss. ann. 1351. in Reg. 80. Chartoph. reg. ch. 637 : Percussit dictum Petrum de quodam cutello, quem habebat, in Grosso cruris.

GROSSUM

, Latitudo. Charta ann. 1255. ex Cod. reg. 9612. U. : Duo mille et 500. arpenta nemoris,... mensurata ad arpenta Trecensia, quæ continent sex perces de Grosso et 30. de longo. Eadem Gallice leguntur in Ch. Margar. reg. Navar. ejusd. ann. ex Chartul. Campan. Cam. Comput. Paris. : Deux miles et cinc cent arpans de terre et de bois assiz ès bois de Derf, mesurez à l'arpant de Troies, de six perches de Gros et de xxx. de lonc. Crassitudo. Ruodlieb. fragm. 3. vers. 123 : Inque modum pisæ per cuprea vascula funde,   Majorisque nucis ad Grossum fundito vasis.