heptaticus

, , corrupte, pro Heptateucho, seu tomo sacrorum Bibliorum primo, continente Pentateuchum Moysis, et sequentes 2. libros Josuæ et Judicum. Ugutio : Eptaticus, vetus est Testamentum, quinque libri Moysi, sex Josuæ, septem libri Judicum. (Sic in MS.) Occurrit apud S. Hieronym. in quæst. in libr. 1. Paralipom. cap. 2. in Regula S. Benedicti cap. 42. in Vita B. Joannis Abbatis Gorziensis n. 81. apud Aratorem lib. 1. Hist. Ecclesiast. cap. 17. Gregorium M. lib. 12. Ep. 30. Alcuinum Ep. 27. in Statutis Guigonis Cartusiensis Ord. cap. 4. in Antiq. Statutis ejusdem Ord. 1. part. cap. 9. Ordericum Vitalem pag. 470. etc. Vide Juretum ad Epistolas Ivonis Carnotensis. Ex his emendandum Poema Alcuini præfixum Bibliothecæ, seu libris sacris, editum lib. 2. Commentar. Bibl. Cæsareæ pag. 406 : Etpaticus enim librum decurrit in istum, Quem Ruth consequitur fœmina clara satis. Ubi vir doctissimus ad marginem : Locus mendosus, de cujus emendatione nondum mihi liquet. At facilis nunc emendatio ex præallatis : legendum enim Eptaticus.

heptaticus

Saved

Recent