mallones

, μαλλοί Græcis, Cirri, cincinni, implexi crines : a μαλλός, vellus, συνεστραμμένη θρίξ, cæsaries implicata. κατειμένη κόμη ἢ κέκριξ, apud Varinum. Glossæ antiquæ MS. : Mallonem, comam, Græce. Papias : Malonem Græce comam capitis dicunt, quod nos cirros. Ugutio : Græci cirrum vocant Mallonem. Alibi : A malon, hic malo, onis ; Malonem Græci comam capitis dicunt, quam nos cirrum vocamus. Anastasius in Benedicto II. pag. 57 : Hic una cum Clero et exercitu suscepit Mallones capillorum Domini Justiniani et Heraclei filiorum clementissimi Principis, etc. Græci recentiores μαλίον, capillos vocant. Vide Glossarium Meursii et mediæ Græcitatis. Latior est, si fides Muratorio tom. 2. Antiq. Ital. med. ævi col. 1087. hujus vocis significatio ; proprie enim significat Globum alicujus rei, quæ e filis aut pilis aliisve fluxis rebus constet : quam vocem ex antiquissimis Italiæ incolis ad hodiernos manasse suspicatur ; unde Mutinenses etiamnum dicunt un Malloco di cera, di neve, etc, ut globulum significent.

mallones

Saved

Recent