mediamnae
A medio amnis, Mediamna.
Joan. de Garlandia in Synonymis :Insula sit maris : at si dulcis aquæ, Mediamnis.
Silvester Giraldus in Topogr. Hiberniæ dist. 1 :Dic rivos, latices, puteos, dic stagna, paludes : Amnis jungatur, a quo Mediamnis vocitatur.
Lacus quoque plurimos....... hæc terra profert ; qui et Mediamnas aliquantulum elevatas et valde amœnas intra se continent : ubi securitatis et refugii loca propriaque domicilia, et præterquam navigio inaccessibilia dominatores terrarum metari solent.Sueno in Hist. Danica cap. 2 :
Tandem confluentibus undique innumerabilibus, in Egdoræ fluminis Mediamne locus pugnæ constituitur.Infra :
Deinde emissis utrimque pugilibus, in medio amne convenerunt.
Hæc itaque insula(Glastonia) primo a Britonibus dicta est... insula vitrea, propter ampnem scilicet quasi vitrei coloris in marisco circumfluentem. Insula vero dicta est, quoniam marisco profundo est undique clausa ; Mediampnis magis proprie diceretur, quoniam mediis ampnibus sita est, sicut melius insulæ dicuntur, quæ in mari sitæ noscuntur.