ΛΟΓΕΙΟΝ
About Report a problem

Menu

waterscapum

WATERSCAPUM
,
Wariscapium
,
Wadriscapium
,
Wadiscapum
, Aquagium, aquæductus, ex Saxonico waeterschap, compositum ex waeter, aqua, et schap, ductus.
Waterscapus.
Vetus Charta Germanica ann. 793. apud Henschenium ad Vitam S. Ludgeri Episc. Mimigard. : Cum Waterscapis, perviis, communiis, pascuis, etc. Occurrit præterea apud Miræum in Donat. Belgic. cap. 61.
Wadriscapum.
Charta Nevelongi Comitis apud Doubletum pag. 724 : Perviis, Wadriscapis, (sic legendum pro Wadriscanis) terminis, élidiatis, etc. Alia ann. 808. pro Monasterio S. Bertini apud Duchesnium in Historia Guinensi, et Malbrancum lib. 5. de Morinis cap. 45 : Hoc est mansa cum casa, castitiis, ædificiis, pratis, pascuis, terris, perviis, et Wadriscapiis. Occurrit præterea apud Marten. tom. 1. Ampliss. Collet. col. 127. Hinc emendanda Charta ann. 818. apud Meichelbec. tom. 2. Histor. Frising. pag. 208. ubi perperam divisis vocibus editum, Wadris, capis.
Watriscapud
, in chart. Einhard. abbat. apud Teulet. in Oper. Einhard. tom. 2. pag. 428. ibique not. 2.
Wadriscampum.
Chron. S. Bertini apud Marten. tom. 3. Anecd. col. 522 : Super fluvium Isara terræ bunaria quinque cum amborum floco parniis et Wadriscampis, etc. Perperam divisim in Formul. 18. et 20. Lindenbrogii, Wadris, capis.
Watriscapum.
Charta ann. 711. apud Marten. tom. 1. Ampl. Collect. col. 18 : Cum Watriscapo, et aratoria terra, mobili cum immobili, etc.
Watrischafum
et
Watriscafum
, in Chartis ann. 709. et 710. ibidem col. 17.
Widriscapum.
Charta ann. 722. ibid. col. 24 : Hoc sunt sessi cum Widriscapis, casis, campis, etc.
Warescapium
,
Wariscapium
. Charta ann. 838. pro Sarciniensi in Leodicensi Episcopatu Abbatia, apud Miræum in Donat. Belg. lib. 2. cap. 10 : Et mansas sex vestitas ad ipsam curtem conspicientes vel pertinentes, cum perviis legitimis, Warescapiis, pratis, pascuis, etc. Testamentum Henrici III. Ducis Brabant. ann. 1260. apud eumdem in Diplom. Belg. : Cæterum quidquid deliquimus in Wariscapiis, wastinis, sive pascuis communibus terræ, etc. Alia apud Ægidium Aureæ-vallis Monachum in Alexandro Episc. Leod. cap. 26 : Dotavi eam de 4. mansis.... et de cursu aquæ Mosæ a prima parte superioris insulæ.... usque ad ultimam partem inferioris, quæ est contra Plumborum montem, et de Wariscapio utriusque ripæ. Chr. Corn. Zantfliet apud Marten. tom. 5. Ampl. Collect. col. 183 : Sed et Warescapia et pascua communia, vel loca publica sibi usurpabant. Werixhas ou aisemens, Weriscaps et aisemens, in Charta vernacula ann. 1332. apud Louvrex in Collect. Edictorum, et Statutorum tractus Leod. pag. 481. unde patet voce Warescapium interdum significari loca publica quæ incolarum usibus permittuntur, idem proinde esse quod Aisantia, et Aisamentum alibi appellant.
Waricapium.
Cum omni jure, Waricapio, telonio, etc. in Charta ann. 997. apud Knippenberg. Hist. Eccl. Geldriæ cap. 58.
Wadiscapum.
Formulæ vett. Pithœi cap. 57 : Super ipso magno posita seu et Wadiscapo, et inter terra et prato et silva bunnaria tanta, et mancipia tanta his nominibus il. et il. boves duas, vacca una cum vitulo, inter porcos et verveces capita tanta, et scapio deintus casa valentes solidos tantos. Vetus Charta apud Baldricum lib. 1. Chron. Camer. cap. 52 : Terras cultas et incultas, pervia, Wadiscapia, prata, pascua, etc. Alia apud Doubletum pag. 730 : Aquis, aquarumve decursibus, Wadiscapis, exitibus, et regressibus, etc. Corrigenda itaque Charta Henrici V. Regis Angl. apud Rymer. tom. 10. pag. 236. ubi perperam editum una discapo, pro Wadiscapo.
Wadiscabum
, in Charta ann. 828. apud Meichelbec. tom. 2. Hist. Frising. pag. 273 : Cum domo et curte, curtiferisque et Wadiscabis, et cum omni ædificio.
Wareschaix.
Consuetudo Montensis cap. 50. 51 : Item que nul sans congé de ladite Seigneurie, ou de personne puissante, ne fache, ne empire le Wareschaix de laditte ville en ladite Seigneurie, sur 7. sols 6. deniers blancs de loix, et remetre celui Wareschaix en estat deu. Item que chascun depuis la my Mars jusques à donc, que les biens seront dépouillez, soit tenu de renclorre et fosser son heritage contre le Wareschaix sur 27. deniers blanc de loix. Ibid. cap. 54 : Item qui enclorront son heritage contre chemin ou Wareschaix, où il y auroit bonnes, etc.

Saved

Recent