navipletio
Quatenus posset ipse cum Monachis suis unam Navipletionem, quod Anglice Scypfilled dicitur, per se habere.Et infra :
Constituant unam Navipletionem, quod Anglice dicitur Scypfylled oththe Scyphorne, in loco quem ob ejus memoriam Oswaldeslay deinceps placuit appellari, ubi querelarum causæ-secundum morem patriæ et legum jura juridice discernantur.Porro scypfylled, vox est Saxonica, ex scyp,
Navis, et fyllan,
Implere, vel fyll,
Plenitudo.
Navipletio, vel ut Hickesius legit ad calcem Dissertationis Epistolaris,
Naucupletio, Tributum erat, quod ad navium constructionem exigebatur, Anglis hodie dictum
Ship-money, alias
Scyp-fylled, vel
Scypsocne, ut habet Wanleius pag. 309. Antiquæ suæ Litteraturæ Septentr. ubi ex laudata Edgari Charta, quamvis eam censura sua notet Hickesius Dissert. Epist. pag. 86. luculentum testimonium ducit ad probandum, inquit, in antiquis temporibus regiam illam exactionem obtinuisse. Eidem Wanleio Charta hæc scripta fuisse videtur circa tempora Henrici I. Anglorum Regis.