. Vox frequens in Chartis Caroli Simplicis Regis Francorum, qua significatur annus,
quo post mortem Odonis regnum redintegravit, regni partem, Aquitaniam scilicet et
Burgundiam, quæ ab Odone possidebatur, recipiendo. Hujus redintegrationis annos regni sui
annis publicis in tabulis subjicere solitus est Carolus, ut videre potes apud Miræum tom.
1. pag. 37. tom. 2. pag. 806. Mabillonium tom. 3. Annal. Benedict. pag. 302. et Diplom.
pag. 558. et seqq. Sirmondum in Notis ad Capitularia, tom. 2. edit. Baluzii
pag. 815. ubi observatur redintegrationis annos regni annis solido fere quinquennio
pauciores fuisse : quod ex singulis Chartis hic laudatis comprobari potest.