Logeion | tenda

, Tabernaculum, tentorium, Gallis Tente. Ital. Tenda. Tudebodus lib. 2. Hist. Hierosolymitanæ : Et in nostras laxatis frænis concurrerunt Tendas. Florentinus Monachus de Expugnatione Acconensi : Bachanalis Africus mare perturbabat, Evulsa tentoria cuncta laniabat, Si confratres mei tunc ibidem fuissent, Et tenere dentibus me Tendam vidissent, Horum quidam, reputo, super me risissent. Occurrit præterea apud Ordericum Vital. lib. 9. pag. 742. 743. in Annalibus Genuens. ad ann. 1213. apud Murator. tom. 6. col. 405. in Memoriali Potestatum Regiens. ad ann. 1275. apud eumd. Murator. tom. 8. col. 1138. in Chronico Estensi ad ann. 1350. apud eumd. tom. 15. col. 458. in Chronico P. Azarii, tom. 16. ejusd. Murator. col. 331. in Statutis Astens. col. 17. cap. 71. in Statutis datiariis Riperiæ cap. 14. etc. Raymundus Montanerius in Chron. Aragon. cap. 122 : Et lo Senior Rey d'Arago feu anar la crida per la sua host, que tot homes plegas les Tendes, etc. Sic Τένδας et Τέντας, tabernacula vulgo vocant recentiores Græci, Leo in Tactic. cap. 5. § 9. cap. 10. § 12. cap. 13. § 3. cap. 18. § 54. Nicetas Græco-Barb. in Notis Wolphianis pag. 115. edit. Genev. Ducas pag. 37. 188. Joan. Cananus pag. 192. et alii a Rigaltio et Meursio laudati, ut et in Glossario mediæ Græcitatis. , Hispanis, est Statio seu officina in foro aut locis publicis exponendis et vendendis mercibus. Tentorium exponitur in Foris Aragon. lib. 9. pag. 179. Diploma Weremundi Regis Hispan. apud Ambrosium Moralem : Cum omnibus utensilibus, cupis, torcularibus, et Tendis in mercatello, et vineis, quæ servierunt ipsi corti, etc. Charta Aldefonsi VIII. Regis Castellæ æræ 1213 : Et vestras Tendas nullus Alvarit, neque Almusericus, neque Almoçabel violenter intret, etc. Rodericus Toletanus lib. 6. cap. 24 : Rex dotavit Ecclesiam Toletanam, et dedit ei..... in civitate omnes stationes, quas vulgariter Tendas vocamus. Idem in Hist. Arabum cap. 40. Stationes vendentium vocat. Fori Oscæ ann. 1247. sub Jacobo I. Rege Aragon. f. 18 : Si duo habent domos, Tendas, aut alias hæreditates simul, etc. Charta Lusitanica, apud Brandaon. lib. 15. Monarch. Lusitan. cap. 31 : Item retineo mihi et successoribus meis omnes Tendas, quas Reges Saraceni solebant tenere tempore Saracenorum. Adde tom. 5. pag. 308. Præterea Colmenarezium in Hist. Segoviensi cap. 17. § 15. cap. 19. § 1. , Qui in Tendis merces suas venum exponunt. Apothecarii et Tendarii, in Foris Aragon. lib. 9. tit. Quod Physici, etc. , Tentorium explicare, vel in tentorio subsistere, castra metari, Italis Tendare, nostris Tendre. Gloss. MSS. Reg. Cod. 1013 : Tendebat, tentorium habebat. Palmerius ad Salustium pag. 520. restituit vocem Tendentes, pro Tentoria figentes, aitque vocabulum esse Numidarum. Huc viri docti ista referunt Maronis : ..... hic sævus Tendebat Achilles. Et Suetonii in Galba cap. 12 : Cohors Germanorum juxta hortos Tendebat. Denique Taciti Annal. 13 : Milites Tendere omnes extra vallum jussit. , Eadem notione, Italis Attendare. Epist. Tierrici Magistri Templi in Chronico Reicherspergensi ann. 1187 : Et non potuerunt Adtendare ultra tendas tres. Joan. Villaneus lib. 5. cap. 1 : Ove il detto Imperadore s'era Attendato a gran danno di Romani. Adde lib. 7. cap. 147. lib. 9. cap. 46. Hinc nostrum Attendre fluxit, ut et Italicum Attendere, pro expectare, quia donec tendæ, seu tentoria figantur, subsistunt, et expectant. Tabernacula autem olim ex coriis confecta constat : unde in Epistola Valeriani ad Zozimionem, apud Pollionem in Claudio : Pellium tentoriarum decurias triginta. Zonaras in Constantino M. : Σκήνη ποτὲ τῷ πατρὶ διεκομίσθη ἐκ Βαβυλῶνος δέρμασιν ἐγχωρίοις ποικιλώτερον εἰργασμένη.

, apud Papiam, quæ rustice Trabis dicitur. Cod. alius Trabea præfert. Gloss. Saxon. Ælfrici : Tenda tyldsyle, i. Domus limen.

, , Locus vacuus, in quo aliqua extendi seu expandi possunt, Hisp. Tendalero. Charta admort. Caroli VII. in Reg. Cam. Comput. Paris. alias Bitur. fol. 148. r° : Item super una locata sive Tendali ad Carentenas,... ij. den. obol. Turon....... Item super una locata Tendæ, sita ad Carentenas,... semi pict. Et fol. 150. r° : Item super locata cum Tenda ad Carentenas, quam idem Sparos tenebat, ij. den. Turon. et obol. Rursum fol. 151. v° : Item super duabus Tendis cum suis locatis,... iiij. den. ob. Turon. Tande et Tende, eadem, ni fallor, notione, in Charta ann. 1270. ex Tabul. S. Mich. in eremo : Octroions que....... toutefoiz et quanteffois que (les bestes) auront fait aucun domage..... en aucune ou aucunes de leurs maisons, vignes, terres, salines, prés, Tandes ou autres leurs tenences ou appartenances, etc. Infra : En leurs maisons, vignes, terres, salines, Tendes, ou autres leurs tenances ou appartenances, etc. Vide infra Tenta 3.

tenda

Saved

Recent