tornum

, Machina ad trahendas naves ascendentes in fluviis, a Gallico Tourner, quod instar rotæ versatilis esset, sic dicta. Charta Willelmi Episc. Autissiod. ann. 1176. e Tabulario S. Mariani : Item prædicti Milites concesserunt Canonicis, quatenus de terra sua, quoties necesse esset, exclusam suam gravarent, et Tornum suum, quod ad trahendas naves fecerunt, quo loco eis expediret, super ripam Icaunæ ponerent. Charta Guillelmi alterius ejusdem Civit. Episc. ann. 1208. ex Archivo Episcopatus : Petrus de Chableis.... super duas pilas pontis Autiss... ædificavit Tornum ad naves superius trahendas. Ejusdem originis est Touret, Rota scilicet nendo filo accommodata. Laine ouvrée au Touret, in Stat. ann. 1366. tom. 4. Ordinat. reg. Franc. pag. 703. art. 5. Touroit, in Lit. remiss. ann. 1394. ex Reg. 146. Chartoph. reg. ch. 291 : Laquelle femme filloit laine au Touroit. Tournette, eodem sensu, in aliis Lit. ann. 1384. ex Reg. 125. ch. 38. vel Instrumentum evolvendo filo aptum, vulgo Devidoir.

tornum

Saved

Recent