ΛΟΓΕΙΟΝ
About Report a problem

Menu

valdenses

VALDENSES
, Dicti quidam Hæretici, a primo eorum auctore Petro Valdo, cive Lugdunensi prædivite, qui sub peculiari paupertatis professione hæreses complures docuit, sub ann. 1160. unde ejus sectatores dicti etiam Pauperes de Lugduno, aliisque subinde nominibus appellati, quæ peculiari commentario complexus est Gretzerus ad Scriptores contra eamdem hæresim ab eo edito ann. 1613. Monachus Vallis Sarnaii in Histor. Albigensium cap. 2 : Erant præterea alii hæretici, qui Valdenses dicebantur, a quodam, Valdio nomine, Lugdunensi, etc. Valdenses nuncupantur ab Alphonso de Castro lib. 4. contra hær. inter Conc. Hisp. tom. 3. pag. 680. et in Statutis Astens. fol. 2. De eorum erroribus, vide præter eumdem Monachum Vallis Sarnaii, Rainerum, Pilichdorffium, Lucam Tudensem ; Ebrardum Bethuniensem, Bernardum Abbatem Fontis Calidi, Ermengardum, editos a Gretzero, Guidonem Elnensem Episcopum in Summa de Hæresibus ; ex recentioribus Claudium Seissellum adversus Valdenses edit. ann. 1520. Joan. Chassaneum in Histor. Albigens. edit. ann. 1595. Balthazarum Lydium in Valdensibus edit. ann. 1616. Joannem Paulum Perrinum in Histor. Valdensium edita ann. 1618. Columbum lib. 4. de Gest. Episcopor. Valentinensium n. 9. denique quæ habentur inter Rerum Bohemicar. Scriptores. Iis adde Lexicon Hæres. Stockmanni. Eorum hæresis
Valdesia
dicta, apud Limborch. Hist. Inquisit. Tolos. pag. 230 : Abjuravit et renegavit omnem heresim et specialiter omnem Valdesiam, et promisit se nunquam redire ad eam. Et pag. 232 : Detinebantur in muro... pro dicto crimine Valdesiæ. Vauderie vocat Joh. Molinetus fol. 112. v° : J'ay veu grant Vauderie En Arras pulluler, Gens plein de rederie Par jugement brusler. Hii cum quibuslibet libidinibus addicti putabantur, Vaudoix appellatus, qui cum bellua rem habuerat. Lit. remiss. ann. 1458. in Reg. 187. Chartoph. reg. ch. 246 : Icellui Rousselot publia à plusieurs personnes que le suppliant estoit Vaudoix, et qu'il avoit esté à une vache. Aliæ ann. 1479. in Reg. 205. ch. 437 : Icellui Loys estoit tenu et réputé user de sorcerie ou Vauldoyerie. Ubi Vauldoyerie, idem sonat atque Veneficium, incantamentum. Sic et apud Monstreletum vol. 3. fol. 83. v°. Vaudoisie nuncupantur nocturni illi conventus, quos vulgo Sabbats nominamus.

Saved

Recent