adhoa

, sumitur ut plurimum pro jure Relevii, aut Racheti, uti passim videre est apud Andream de Isernia et Matthæum de Afflictis in Consuet. Neapolit. Marinum de Freccias de Feudis Sicil. lib. 2. tit. de Relevio, in principio ; Jacobum de Axello Neapolitanum, in tractatu de jure Adohæ, Relevii atque Subsidii, edito Lugduni ann. 1558. Joan. Franc. Capiblancum in tractatu de jure et offic. Baron. erga vasallos, pragm. 1. n. 56. etc. Exponitur servitium militare, in Charta Joannæ Reginæ Siciliæ ann. 1366. qua Margareta Borbonia Imperatrix Constantinopolitana Margotæ de Novavilla Magistræ suæ quoddam casale concedit, movens in capite e Curia nostra sub certo militari servitio, seu Adhoa. Vide Adoha, Adobare et Anubda. Apud D. Winspeare in Histor. jur. feod. Notar. pag. 154. memorantur : Prestazione a titolo di Adoa. Prestazione detta Adoa del castello. Prestazione dette Adoa di Agosta. , Eadem significatione occurrit in Statutis Honorii IV. PP. pro regno Neapol. apud Odoricum Raynaldum ann. 1285. n. 48. Diploma Caroli Neapolitani Regis filii ann. 1328. apud Ughellum in Episc. Aprutinis : Sub feudali servitio seu Adhoamento. Adde Chron. Ricardi de S. Germ. ann. 1235. et Bullarium Casinense tom. 2. pag. 175. , in Charta Friderici II. Imp. ann. 1221. In eodem Bullario Casinensi tom. 2. pag. 252 : Eximentes castra, casalia, et homines ipsius Monasterii ab omni jugo servitutis vel Adhogamenti, sive de demanio, sive de feudis fuerint.

adhoa

Saved

Recent