coenator

, , Officium Monasticum, penes quem erat cura reficiendorum Fratrum æstivis diebus vespere. Apud S. Dionysium in Francia, in claustri latere quod est secundum Ecclesiam, visitur tumba cum hac inscriptione : Cy gist Monsieur Jean de Montmorency, jadis Cenier de ceans. Epitaphium Fr. Guill. Rayer apud Felibianum in Hist. Sandionys. pag. 581 : Cy git religieuse et honneste personne frere Guillaume Rayer, Religieux et Cenier de ceans. Vide ibid. pag. 579. et Doubletum in Histor. Sandionys. lib. 1. pag. 425. 861. Cœnarius in Tabulario Fossatensi ; ut et in Litteris Capituli S. Germani Paris. ann. 1353. lib. Annivers. B. fol. 101. Magister cenæ in Litteris Henrici Præpositi Ecclesiæ in Holzhirchen ann. 1301. apud Schannatum Diœc. Fuld. pag. 102. Cœnator Monachus, dicitur in Charta Sugerii proxime laudata. Tabularium S. Dionysii : Rainaldus de Pompona pro quodam feodo, quod ad jus uxoris suæ pertinere videbatur, singulis annis a Monacho qui Cœnam fratrum dispensare solet, 5. modios annonæ ex decima S. Leodegarii exigebat, etc. Glossarium vetus : Cœnatores, δειπνηταὶ, Cenatorium, οἴκημα, δειπνητηριον. Inscriptio Romæ ad D. Pauli, extra muros : Hic jacet nomine Matrona C. F. in pace uxor Corneli Primiceri Cenariorum, filia Porphori Primiceri monetariorum, etc.

coenator

Saved

Recent