gaudia
Ave Maria. Unde et pro ipsa salutatione Angelica eadem vox videtur usurpata. Testament. domini
le Scropann. 1415. apud Rymer. tom. 9. pag. 276 :
Item lego avunculo meo unum par de Pater noster de auro cum Gaudiis de curallo... et unum par de Pater noster de curallo cum Gaudiis de ambre.Synodus Valentin. ann. 1594. tom. 4. Collect. Conc. Hispan. pag. 710 :
His accedit quod ad nimiam solitudinem jam redactis Ecclesiis parochialibus, sabbatho advesperascente ad profanas illas laicorum ædes concurritur ; ibique Salve Regina, Gaudia et aliæ prædicationes a cantoribus et citharistis decantantur quasi in sacris ædibus.
Ille audiens talem contentionem fecit nobis dare Gaudiam,... ut usque in tertium diem haberemus inducias pensandi inter nos, ut si voluissemus proinde pugnari ad spatham, etc.Vide infra Gaudius.