milites

MILITES

, Hæretici, qui alias Floriani et Carpocratiani, sic dicti, quia de Militaribus fuerunt, inquit Philastrius, ubi plura de eorum opinionibus.

MILITES

, Nummi, vulgo Ridders dicti, in Legibus Opstalbomicis cap. 21. Charta Geraldi Abbatis Angeriacens. ann. 1385. in Chartul. ejusd. Monast. pag. 459 : Item in Cœna Domini cellerarius debet ducentis pauperibus cuilibet quatuor allecia, et dominus Abbas debet vinum et unum quartarium fabarum, et centum justitias vini de capitulo, et centum Milites qui debent dari ducentis pauperibus in ecclesia, antequam veniant in claustro ad mandatum. Consule Menagii Origin. Gall. in voce Ridde. Chevaliers de Guillaume memorantur in Reg. Cam. Comput. ex Cod. reg. 8406. fol. 147.