nationes
Studiorum, seu Academiarum Scholastici dividuntur, quæ in singulis quaterno fere semper definiuntur numero ; verbi gratia Parisiensis quatuor nationibus constat, Franciæ, Picardiæ, Normanniæ, et Germaniæ, quæ olim Angliæ dicebatur. Ita in Privilegiis Academiæ Viennensis in Austria ab Alberto III. Duce Austriæ concessis ann. 1384. eadem Universitas
in quatuor partes, quas solitum est Nationes vocari, ad instar Parisiensis studiidividitur, in Nationes scilicet
Australium, Rhenensium, Ungariæ, et Saxonum. Vide Lambecium lib. 2. Comment. de Bibl. cæsar. cap. 5. et Histor. nuperam Academiæ Parisiensis.
Testificor etiam omnia dona, quæ, me præsente, volente ac rogante, barones, milites et Nationes terræ meæ eidem ecclesiæ in eleemosynam liberam contulerunt, etc.