ΛΟΓΕΙΟΝ
About
Menu

stationarii

STATIONARII
, Milites, apparitores, et officiales Præsidum, qui dispositi per provincias certis locis denunciabant magistratibus, quid ageretur. Horum mentio est in Cod. Th. et Justin. non semel, et in Append. Cod. Th. Constit. 14. Acta Numidarum Martyrum : Tunc attentantur numerosis durisque cruciatibus per Stationarium justorum piorumque carnifices, adhibitis in auxilium crudelitatis ejus Centurionum et Cirthensium magistratibus, hoc est diaboli sacerdotibus. Passio S. Philippi Episcopi : Hæc adhuc B. Philippo disserente, Aristemarus Stationarius civitatis advenit, ut Præsidis jussu impressis cera signis Ecclesias clauderet Christianis.
Superstationarius
, apud Optatum lib. 1. extremo, qui Stationariis Præsidum præfectus erat.
STATIONARII
, Iidem, qui Mansionarii, seu manentes, de quibus suo loco. Tabularium Redonense apud Augustinum du Pas in Stemmat. Armoric. pag. 823 : Dedi etiam eis pedagium et tunleum de omnibus, quæ vendiderint, vel emerint homines illorum Stationarii in mansura sua de Chameriaco, etc. Historia Abbatiæ Condomensis pag. 470 : Construxit Ecclesiam, et 20. Stationarios vel eo amplius simul hæreditavit, qui usu annotino 10. sol. in festivitate S. Joannis Bapt. censualiter redderent. Andreas Floriac. lib. 4. Mirac. S. Bened. MS. : Coram piissimi patris sistitur mausoleo servusque ei et Stationarius adscribitur perpetuus.
STATIONARII
, Librorum venditores, Librarii, a stationibus, seu officinis librariis : Anglis a Stationer, quomodo appellabant mercium vilissimarum institores, qui in foro stationes habebant, ut notatum a Cujacio lib. 2. Observ. cap. 40. Statutum Universitatis Parisiensis promulgatum ann. 1275 : De Stationariis, sive Librariis : ut Stationarii, qui vulgo appellantur, sive Librarii....... corporale præbeant sacramentum, quod libros recipiendo venales, custodiendo, exponendo eosdem et vendendo,..... fideliter et legitime se habebunt, etc. Vide Statutum integrum apud Lambecium lib 2. Comment. de Biblioth. Cæsarea pag. 252. 257. Leges Alfonsinæ parte 2. tit. 31. Lege 11 : Estacionarios ha menester, que aya en todo estudio general, para ser complido, quæ tengan en sus estaciones buenos libros e legibles, et verdaderos de testo e de glosa, que los loguen a los escolares para fazer par ellos libros de nuevo, o para emendar los que tovieren escritos. Et tal tienda o estacion como esta, non la deve ninguno tener, sin otorgamiento del Rector del Estudio. Statuta Synodalia Nicolai Gelant Episcopi Andegav. tom. 11. Spicil. Acher. pag. 202 : Ipsi et eorum quilibet infra primi anni Synodum S. Lucæ scribi faciant in quaterno statuta eadem, quorum exemplar poni penes Joannem Benchies, vel alium Stationarium faciemus. Ἐργαστήριον τοῦ καλλιγράφου, stationem librarii, vertit vetus Interpres Concilii VI. Oecumenici Act. 14. Vide Stationaria. Consule Savin. Histor. Jur. Roman. med. temp. tom. 3. cap. 25. § 215. sqq.
Stationarii
, quivis Institores. Jo. Carmessonus in Vita S. Petri Thomasii cap. 3 : Stationarii, clausis rerum venalium apothecis, sua mercimonia relinquentes ipsum audire summo studio affectabant. Chronic. Mutin. ad ann. 1329. apud Murator. tom. 11. col. 119 : Reliqui mercatores et Stationarii suas apothecas in ipsa civitate per spatium duorum mensium tenuerunt clausas. Vita S. Antonii de Padua tom. 2. Jun. pag. 712 : Sed et Stationarii, clausis rerum venalium apothecis, nihil omnino vendere præsumebant.

Saved

Recent