arreum

, Remissio pœnæ, permutatio, imminutio, Gall. Remise, Changement, Diminution. Vox Hibernica a Saxonico Arian, Parcere, condonare, unde Arung, Condonatio, remissio. Dicitur de pœnitentiis, quæ multis variisque modis remitti, imminui, permutari vel condonari poterant a Sacerdotibus pro delictorum qualitate. De his habentur octo Canones Synodi Hiberniæ apud Marten. tom. 4. Anecd. col. 20. quos hic ex ordine integros referre non abs re fuerit. Arreum anni, Tridui dies et noctes sine sede et somno, nisi paulisper ; vel cl. Psalmi cum decem canticis, stando et orando omni hora, duodecim quoque flectiones genuum flectuntur in omni hora orandi, et palmæ supernæ ad orationem. Arreum anni, Triduum cum mortuo sancto in uno sepulcro, sine cibo potuque ac sine dormitatione præcinctus vestimento suo et cum cantico Psalmorum, et cum adoratione horarum, post confessionem Sacerdoti et post votum. Arreum anni, Triduum in Ecclesia sine dormitatione cum vestimento circa se, sine sede, et canticum Psalmorum cum Canticis sine intermissione, et missa uniuscujusque horæ per confessionem peccatorum coram Sacerdote et plebe et post votum. Arreum anni, xii. triduanas. Arreum anni, xii. dies et noctes super xii. bucellas mensuræ de tribus panibus. Arreum anni, Mensis in dolore magnosed de quo non moritur quis iterata postmodum vita ad judicium Sacerdotis. Arreum anni, xl. dies et noctes in pane et aqua, et duæ superpositiones unicuique hebdomadæ xl. Psalmi et xl. inflectiones in unaquaque hora orandi. Arreum anni, l. dies et noctes in pane et aqua in mensura lx. Psalmi et lx. inflectiones, in unaquaque hora orandi. Arreum anni, Dies c. pane et aqua missa in omni hora orandi pœnitentia illorum per longum, quorum Arreum in his prædictis emittitur sine carne et vino et butyro et lacte dulci agatur.

Menu

Word wheel

arreum

Saved

Recent