creentata

. Janssonius in Auctario Glossarum Isid. : Quisquiliæ, Frumentorum purgamenta, vel palea Creentata. , Eadem, opinor, notione. Charta Guillelmi de Jociaco Episc. Autissiod. et Arraudi Abb. Floriac. de Concordia quam statuerunt inter Ecclesias S. Laurentii de Abbatia in Diœcesi Autiss. et S. Hilarii Pictav. ann. 1178 : Controversia erat super quibusdam consuetudinibus, quas Terricus serviens S. Hilarii dicebat se habere debere in quibusdam villis prædictæ Ecclesiæ S. Laurentii... asserens, quod homines prædictarum villarum non habebant in nemore mortuo de Lonna usuarium, nisi messionem annuatim ei darent, et Creentum suum facerent, id est fortassis, Frumentum detererent et purgarent, Creentum a frumento separando, vel forte darent ei Creenta seu frumentorum purgamenta. Nota est hæc præstationis species. Vide Crapinum et Crienta. Idem mihi videtur quod Creantum in Creantare. Vide in hac voce.

creentata

Saved

Recent