magisteriani

, Officiales Magistri officiorum. Glossæ nomicæ MSS. : Μανδάτωρ, μαγιστριανός. Gloss. Lat. Gr. : Agens in rebus, μαγιστριανός. Μαγιστριανῶν meminit etiam Relatio Nestorii in Synodo Ephes. part. 2. Act. 1. Conc. Calchedon. Act. 3. 10. pag. 176. 177. 186. 281. Edit. 1618. quibus locis καθωσιωμένοι dicuntur, spectabiles in Suggestione Legatorum ad Hormisdam PP. inter ejus Epistolas ubi Eulogius, qui Magistrianus dicitur in hac Suggestione, Agens in rebus vocatur in Epist. Justiniani ad Hormisdam ante Epist. 66. Magistriani etiam dicuntur Victori Tunnensi in Chronico, et Anastasio in S. Hormisda : μαγιστριανοὶ apud Gelasium Cyzicenum lib. 3. de Concilio Nicæno, Palladium in Hist. Lausiaca cap. 149. Isidorum Pelusiotam Epist. 229. Constantinum de Administrando Imp. cap. 22. Cedrenum pag. 402. Glycam et alios a Meursio laudatos, et Baron. ann. 163. n. 3. 42. Liberatus Diaconus in Breviario cap. 15 : Et direxit per totum Orientem Magistrianos, etc. Marcus Gazensis : Venit Magistrianus Epistolas afferens Imperatorias, etc. Acta Abercii apud Baronium : Valerianum et Basianum Magisterios divinorum nostrorum officiorum misimus. Bibliotheca Patrum ascetica tom. 3. pag. 265 : Venit aliquando Magisterianus deferens ei testamentum cujusdam. De iis multa habet Fabrotus in Glossario ad Cedrenum, quæ consulto omittimus.

magisteriani

Saved

Recent