Logeion | mortella

. Processus de Vita S. Thomæ Aquin. n. 39 : Vidit eum sanum et laborantem cum dicto brachio de arte Mortellæ, de qua consueverat laborare in dicto Monasterio. Incertum viris doctis cujusmodi fuerit Mortellæ ars. Fortassis ars est materiariæ, a Gall. Mortoise, quæ res materiarios artifices spectat ; nisi ad officium crassiores lucanicas, Gall. Mortadelles, condiendi referas, si tamen id artem dixeris. Vide Mortariolum 2. Erunt fortean qui a sinapi triturando vocis etymon accersant : Morteile enim nunc pro Moutarde usurpant rustici Dumbenses. F. Ars mortarium subigendi. Vide supra Mortarium 2.

, vox Italica. Myrti granum. Acta S. Joan. Abb. Pulsan. tom. 4. Junii pag. 42 : Nec cibus alius ei fuit, nisi ficus sylvestres et myrti grana quæ vulgariter Mortellas vocant. Nostris Meurte, eadem notione. Vide Menag. in Origin. Gall.

, Mortarium, Gall. un Mortier. Vita S. Coemgeni tom. 1. Junii pag. 315 : Faber quidam... Mortella lapidem terens, particula de lapide scissa exilivit et fregit oculum fabri.

mortella

Saved

Recent