multo

Item, si comme il li semble, que quant au fait de la monnoye de l'or, li Rois nostre Sire, ou sa Gent commis ou fet des monnoyes de l'or, pourroient donner 58. Moutons du marc à 24. quarres d'or monnoié et à monnoier, et au feur de l'autre à 20. quarres, ou à 18. ou au dessous en descendant jusques à la fin, sans rien rabattre de l'affiner.

Item dit, si comme il li semble, que qui ne prendroit que Florins au Mouton, qui courroient pour 6. sols 8. deniers de la monnoie à 6. deniers de 14. sols 8. deniers, et qui auroit cours pour 3. deniers à la Monnoie xviii. ou pour 2. den. à la Monnoie xv. ou pour 2. den. Tourn. petits à la Monnoie xii. et courroient pour 13. s. 4. den. de la monnoie à 3. den. 18. gr. qui courroient les deux pour un de ceux à 6. deniers et de 14. sols et 8. deniers qui courroient pour 3. oboles à la Monnoie xviii. ou pour un Parisis à la Monnoie xv. ou pour un petit Tournois à la Monnoie xii. dit, que peu courroient de Deniers d'or, se n'en couroit que d'une piece par le Royaume, quant aux marchandises qui s'y font : car autrement se corromproient les Ordonnances, qui les feroit, ne ne les pourront l'en tenir.

Item dit, si comme il li semble, qu'il vaudroit mieux donner cours à la monnoye de son Royaume, qu'il ne feroit à celle dehors. Pourquoy je di, Je ferois courre les Deniers du Roy de la Masse, les deux pour trois de ceux au Mouton, c'est à sçavoir pour 10. s. de la monnoie à 6. den. de 13. s. et 8. den. et pour 20. s. de la monnoie à 3. den. 18. grains, et de 18. s. 4. den. et pour 25. s. du Tournois petit, de ceux de 22. s. et 2. den. et pour 20. s. de Parisis à 4. den. 12. grains, et de 22. s. 2. den. et tout en la maniere que dessus est dit desdits Moutons, et non autrement.

Item dit, si comme il li semble, que s'il plesoit au Roy nostre Sire qu'il laissast courre de grace especiale les Deniers de Florence en son Royaume, tant comme il li plairoit, et que l'en les prinst de poids de 70. au marc, pour 5. s. 5. den. de la monnoie à 6. den. et de 14. s. 8. den. et pour 10. s. 10. den. de la monnoie à 3. den. 18. gr. et de 18. s. 4. den. ou pour 14. s. de petit Tournois de 22. s. et 2. den. et par ainsi ne vuideroit le Foiblage dudit Royaume, ou se fondroit au coing de la monnoye du Rog nostredit Sire, et par ainsi les Mantelez et ceux a la Chaire courroient pour deux de Florence, et par les prix que dit est en cet article.

Item dit, si comme il li semble, qu'il laissast courre Florins a la Royne pour 6. s. 3. den. de la monnoye à 6. den. et à 14. s. 8. den. et pour 12. s. 6. den. de la monnoye à 3. den. 18. grains, et de 18. s. 4. d. et par ainsi de la monnoye, comme dessus dit est.

Item dit, si comme il li semble, comme l'en donnast cours à Florins de Florence, à Mantelez, à Chaires, et à ceux de la Royne, s'entention est que pour le prix à quoy ils sont, si comme dessus est dit, et devisé, qu'ils n'ont nul cours ; mais seulement pour tout fondre et convertir au coing des Deniers au Mouton de nostre Sire le Roy.

Item dit, si comme il li semble, que quant au fait de la monnoie d'or, qu'il face crier solemnellement par tout son Royaume, et sur la paine telle comme elle y appartient, et face tenir fermement les Ordonnances desdites monnoies pour le prix qui dessus sont dits, et bien garder à toutes les issues de son dit Royaume, qu'il n'en isse monnoie nulle, s'elle n'est d'or, avec la neuve à 6. den. et de 14. s. 8. den. et celle à 3. den. 18. gr. et de 18. s. 4. deniers.

Item dit, si comme il li semble, que s'il est tenu et gardé sans corrompre, ne enfraindre en la maniere que dessus est dit et devisé, l'on ouvrera à la xviii. à la xv. ou à la xii. et tout pour regle, sans corrompre l'œuvre de l'or.

Item dit, si comme il li semble, que par celle Regle, ceux dehors le Royaume rapporteront pour un marc d'or 14. marcs d'argent, ou la valuë ; ainsi s'emplira le dit Royaume d'argent à grant planté, et vuidera de l'or, en confondant ceux de hors du Royaume, que par leur cautelle, engin, ou soustiveté, l'ont mis dedans ledit Royaume.

Item dit, si comme il li semble, que qui aura audit Royaume 14 marcs d'argent pour un marc d'or, qui ne deveroit valoir que 10. marcs d'argent, si comme autrefois a vallu, quant l'en faisoit petits Tournois, l'en pourra bien laisser aller vuider hors du Royaume ledit or, quar encore y en demeurra-t-il assez.

Item, dit, si comme il li semble, que quand Deniers au Mouton ne vaudroient que 6. s. 8. den. de la monnoie à ob. den. et de 14. s. et 8. den. qui ne courroient de la bonne que pour deux petits Tournois, et de 13. sols 4. den. et de la monnoie à 3. den. 18. gr. et de 18. s. 4. den. qui courroient chascun pour un petit Tournois, il conviendroit mettre les Moutons de 6. s. 8. den. à 6. s. et de 13. s. 4. den. à 12. s. et les Florentins qui courroient pour 5. s. 5. den. de la monnoie à 6. den. et de 14. s. 8. den. et pour 10. s. 10. den. de la monnoie à 3. den. 18. gr. et de 18. s. 4. et tout pour le prix dessusdit : et ainsin conviendroit-il que l'en mist les Florentins de 5. sols 5. deniers à 5. s. et 10. s. 10. den. à 10. s. et tous les autres Deniers d'or, évaluez, si comme dessus est dit : et par tel point ne courroit-il audit Royaume pour marc d'or que 12. marcs d'argent.

Item dit, si comme il li semble, que qui voudroit évaluer l'or selon le bon temps du Roy Monsieur S. Louys, il conviendroit que l'on meist Deniers au Mouton à 5. s. de la monnoie à 3. den. 18. grains et de 18. s. 4. den. et Florentins à 4. s. 2. den. de la monnoie à 6. den. et de 14. s. 8. den. et pour 8. s. 4. den. de la monnoie à 3. den. 18. grains, et de 18. s. 4. den. et tous les autres Deniers d'or, conviendra avaluer au prix comme cy dessus est dit. Et par tel point ne courroit-il audit Royaume pour un marc d'or, que 10. marcs d'argent.

Item dit, si comme il li semble, que s'il plesoit à nos Maistres Nosseigneurs de la Court, à nous ouir sur le fét des monnoies dessusdites, tant à l'argent comme à l'or, de donner grace de nous entendre, il nous est advis que tout ce que dessus est dit, est bon et vray, à la grant honneur du Roy nostre Sire et au grant profit du commun peuple, pour toujours més ouvrer sans muer coing, tant de l'argent comme de l'or.