runcalis
runcandusa noxiis et inutilibus herbis et sentibus :
Runcareenim Latinis, est purgare agrum a sentibus, quas inde
Roncesvocant Galli. Vide Edwardum Cokum ad Littletonem sect. 1. Diploma Aystulphi Regis Longobard. ann. 753. apud Ughellum in Episcopis Mutinensibus :
Quod si in ipsis silvis aliquis Roncare fecerit, aut si peculia pabulaverit, etc.Alia Mathildis Comitissæ ann. 1096. in Bullario Casinensi tom. 2. pag. 117 :
Si quis... ultra fines et terminos Runcare fecerit absque jussione Comitissæ, etc.Charta 1. inter Alamannicas Goldasti :
Tradidi videlicet ad Hasumunanc ipsa marca adhærentem Runcalem, 1. hobam etiam et amplius continentem, ea conditione, ut ipsi illic resideant, et ibi laborent tempus vitæ suæ, et censum inde persolvant.Ch. 33 :
Vendiderunt tibi Magno... cortinum Aroncale, quem habueruntEt mox :de sui patris..... cum pomifera ex integro quantum ibi habuit.
Et 1. saistairale in Roncale.Domesdei tit. de Essexa :
10. acr. prati, 11. Runcal. 4. aralia, 23. porci, etc.
Roncherai. Bestiar. MS. :
Illuec près a un buissonnai Si espés comme un Roncherai.
inter Placentiam et Cremonam, ut habet Otto Morena in Histor. Rer. Laudensium, ubi Imperatores Occidentis Curiam suam generalem cogere solebant, cum
transalpinabant, seu in Italiam proficiscebantur :
Erat enim consuetudinis Regum Francorum, quæ et Theutonicorum, ut quotiescumque ad sumendam Imperii coronam militem ad transalpinandum cogebant, in prædicto campo mansionem facerent. Ibi ligno in altum porrecto scutum suspendebatur, universorumque equitum agmen feuda habentium ad excubias, proxima nocte Principi faciendas per Curiæ præconem exposcebatur, quod sectantes, qui in ejus Comitatu erant, singuli singulos beneficiatos suos per præcones exposcebant. At sequenti die, qui nocturnis vigiliis defuisse deprehensus fuerat, denuo ad præsentiam Regis aliorumque Principum, vel virorum illustrium evocabantur : sicque omnes omnium beneficiati, qui sine bona voluntate dominorum suorum domi remanserant in feudis condemnabantur.Verba sunt Ottonis Frising. lib. 2. de Gestis Friderici cap. 12. a quo hausit, quæ in eamdem sententiam habet Guntherus lib. 2. Ligurini initio.
Roncaliensis Curiæ, mentio est passim apud Scriptores, ex quibus docemur, Conventum fuisse generalem indictum
pro justitia ac pace regni componenda, ut est in Leg. Long. 1. 3. t. 9. § 9.
Pro reparando itaque justitiæ rigore, omnibus Lombardis et Italicis Roncaliam, uti mos Lombardorum est, justitiam suam requirere, et ab Imperatoribus recipere, diem certam et curiam publicam ad præsentiam Principum, qui tunc aderant, eis designavit. Edictumque est ab Imperatore, ut de singulis Italiæ urbibus viri idonei Roncaliam convenirent, et Barones, et alii, qui causas haberent : cumque ibidem convenissent, assumptis nobilibus et prudentibus viris, causas singulorum determinare studuit, primo pauperum, deinde Baronum, et postremo civitatum.Glaber Rodulphus in Præfat. ad lib. 4. Hist.
Roncaliam, quasi
Curiam Gallorumcorrupte dictam vult, eamque
in descensu Alpiumstatuit, id est, ad Padum, juxta Placentiam, ubi extitit Roncaliensis campus, qui eam appellationem accepit, quod
Runcalisesset, id est, incultus et sentibus obsitus, quæ vis est vocis, ut supra observatum. Ita etiam de eodem vocis etymo Constitutio Caroli Crassi Imp. ann. 884 :
Cuicumque secundum hanc legem expeditio imperetur, si ad Curiam Gallorum, hoc est, in campum, qui vulgo Runcalle dicitur, dominum suum non comitetur, etc.
Curias publicasin Italia indicendi, hauserant Germani Principes a Francis nostris, quod ab Ottone Frising. observatum : nam cum Carolus M. Italiam Imperio suo adjecisset, fusis et profligatis Longobardis, solenne illi fuit, et successoribus, Primores sui Palatii et Comites Palatinos eo mittere, qui
justitias publicasfacerent. Has autem
Curiassolennes in campis cogebant. Annales Franc. Bertiniani ann. 767. de Pipino :
Ibi Synodum fecit cum omnibus Francis solito more in campo.
Terra, silva, Roncora, et prata insimul ad mensura justa, etc.Charta Mathildis Comitissæ ann. 1096. ibidem tom. 2. pag. 117 :
De terra partim laboratoria, et partim cum silva, quæ inter Runco deputata, etc.Vide Runcarius.