ΛΟΓΕΙΟΝ
About

Menu

manualia

MANUALIA
, Manicæ. Expositio brevis antiquæ Liturgiæ Gall. apud Marten. tom. 5. Anecd. col. 99 : Manualia vero, id est manicas induere sacerdotibus mos est instar armillarum, quas Regum vel sacerdotum brachia constringebantur.
MANUALIA
, Quotidiani et minores præbendæ reditus. Compendiosa benefic. expositio fol. 11 : Ut dispensati fructus percipiant quos vulgus nomine grossi indicat, diariis vero et Manualibus sive ganiagiis priventur. Concil. Mexicanum ann. 1585. inter Hispan. tom. 4. pag. 408 : Et nihilominus universis præbendæ suæ emolumentis et obventionibus, anniversariis et Manualibus quæ nonnisi ab actualiter assistentibus percipiuntur, perinde ac si divinis officiis interesset, gaudeat.
MANUALIA
, Pecora seu animalia mansueta, quæ, ut loquitur Varro lib. 2. de Re rust. cap. 7. ad manus accedere consueverunt : Græcis χειροήθη ; Hispanis Alimannæ. Lex Alamann. tit. 99. § 14 : Si quis pecus Manualem, qui dicitur alatus, aut verrem, aut ducariam occiderit, etc. Ubi Manualium alatorum nomine intelliguntur gallinæ, pulli, et alia volatilia domestica. Tabular. Casauriense : Cum casis, Manualibus, coloniciis, terris, vineis. Quod de manoperariis intelligendum opinor. Chronicon Farfense apud Murator. tom. 2. part. 2. col. 625 : Manualia per singula castella, et boum paria eis sufficientia, villanos omnes ad opera exercenda, etc. Chron. Casin. lib. 3. cap. 57 : Cum decima piscariæ et Manualium suorum. Res Manuales, in Charta ann. 1052. in eodem Tabulario Casaur. et tom. 6. Ughelli pag. 871. Isidorus Pacensis Episcopus in Chron. æra 754 ; Præda et Manualia, vel quidquid illud est quod olim prædaliter indivisum retentabat. Vide Probat. Hist. Sabaud. pag. 20. A Latino hocce vocabulo deflexum Gallicum Aumaille, ead. notione. Guill. Guiart in S. Ludov. : Vilains tuent, femmes despueillent, Les Aumailles partout acueillent, Aignelets belent, vaches muient. Idem ann. 1302 : Et puis retournent vers la ville, Espés con le conduit Aumaille, etc. MS. : Les brebiz prennent et l'Aumaille. Statuta Parisiensia in veteri Regesto de mercium variarum pretio : Chars, Aumaille, beufs, vache, toute maniere d'Aubmaille, 8. den. Charta ann. 1303 in Hist. Abbatiæ Longipontis : Leurs bestes Aumailles, à sçavoir vaches et veaux. Charta ann. 1461. ex Chartul. monast. Baugeseii : Lequel... a prins par plusieurs et diverses fois les pourceaux, Ausmailles et autres bestes qu'il trouvoit és dits bois. Occurrit præterea in Consuetud. Britanniæ art. 409. Senonensi art. 147. Lodunensi cap. 19. art. 1. Bestes aumalines, in Charta Libertatum oppidi Aussonensis ann. 1229. apud Claud. Juvanum, in qua perperam scriptum armalines. Vide Ughellum tom. 1. part. 1. pag. 298. tom. 4. pag. 1457. Circa hujusce vocis etymon potior mihi videtur Eccardi sententia, qui ab animalia, Aumaille deductum censet. Et quidem Aumailles dixerunt nostri majora pecora, quæ alii animalia vocabant. Mitto Menagii originationem, quippe quæ a fictitio verbo excogitata sit.

Saved

Recent